'एमगज' काे उपध्रोले स्थानीयलाई हैरानी

रौतहट । रौतहटको चन्द्रपुर नगर क्षेत्रमा ‘एमगज’ नामक जङ्गली हात्तीले घरटहरा तथा खेतीवारीमा क्षती पुर्याएको छ ।

चन्द्रपुर नगरपालिका–२ जुडिबेला र वडा नं ३ को गैडाटार क्षेत्रमा  यस हात्तीले प्रायः दैनिक जसो क्षती पुर्याउने गरेको छ । जङ्गली हात्तीले जुडिबेलाका कमलबहादुर विक, बद्री कार्की, उमेश थापा, प्रदीप बम्जन, शुक्र पुलामी लगायतको घरटहरा भत्काइसकेको छ ।

हात्तीले गैडाटार क्षेत्रको साइँला गोले, बोम्जन साइँला, मीना राई लगायतको घरटहरा भत्काइसकेको छ भने खेतीबारी क्षती पुर्याएको चन्द्रपुर नगरपालिका–वडा नं ३ वडाअध्यक्ष बोधनाथ देवकोटाले बताए ।

उनका अनुसार हात्तीले केरा खेतीमा बढी क्षती गरेको छ । यस क्षेत्रमा केहि महिना अघि घाइते अवस्थामा हात्ती देखिएको थियो ।

उनले भने, ‘पटक पटकको उपचारपछी अहिले निको भएको हुन सक्छ ।’

हात्तीको दाया खुट्टामा गहिरो घाउँ हुँदा हिड्डुल समेत राम्रो सग गर्न नसक्ने अवस्थामा थियो उनले भने । राष्ट्रिय प्रकृती संरक्षण कोष सौराहा चितवनका पशु चिकित्सक अमिर सडौला र वन्यजन्तु प्राविधिक तीर्थ लामाको टोलिले  दुई पटक घाईते हातीको उपचार गरेपछि निको भएको हुन सक्ने उनको भनाइ छ । तर स्थानीयले भने  हात्तीलाई नियन्त्रणमा लिएर अन्यत्र स्थानतरण गर्न माग गर्दै आएका छन् ।