अमेजनका संस्थापक तथा अर्बपति जेफ बेजोसको अर्थ फण्डले जलवायुका नाममा गरिरहेको वित्तीय सहयोगमा रोक लगाएको छ । पेरिस सम्झौता अनुरुप कार्बन न्यूनीकरणमा राष्ट्रहरुको भूमिकाका बारेमा मूल्यांकन गरिरहेका संस्थालाई प्रदान गर्ने वित्तीय सहयोग अर्थ फण्डले बन्द गरेको हो ।
तीन वर्षका लागि मात्र सम्झौता भएको र भविष्यमा थप सहयोग गर्ने वा नगर्ने निर्णय गरि नसकेको अर्थ फण्डले जनाएको छ । तर जलवायु विज्ञहरुले अमेरिकी अर्बपतिहरु राष्ट्रपति डोनाल्ड ट्रम्पको जलवायु विरोधी विचारधारासँग समाहित हुन थालेको संकेतको रुपमा लिएका छन् ।
राष्ट्रपति ट्रम्पका लागि जलवायु परिवर्तन एक प्रमुख रानीतिक मुद्दा रहेको भन्दै जलवायु परिवर्तन नियन्त्रण गर्ने हरेक संस्थालाई उनले प्रभावित पार्ने विज्ञहरुको बुझाइ छ ।
यस कदम जलवायु परिवर्तनका लागि समर्पित संस्थाहरुलाई आर्थिक रुपमा कमजोर बनाउने दिशामा अमेरिकी अर्बपतिहरुको नयाँ रणनीति हुन सक्ने पनि विज्ञहरुको आकलन छ ।
